Universiteti Politeknik i Tiranës, bazuar në Urdhrin e Rektorit Nr. 72, datë 13.11.2025, për “Hapjen e pranimeve në studimet e ciklit të tretë “Doktoratë” në Universitetin Politeknik të Tiranës, për vitin akademik 2025-2026”, njofton hapjen e pranimeve në studimet e ciklit të tretë “Doktoratë” në programet e studimit me kuotat përkatëse, si më poshtë:
1. Doktoratë në “Teknologjitë e Informacionit dhe Komunikimit”, nënfusha “Inxhinieri Informatike” dhe nënfusha ”Telekomunikacion dhe Inxhinieri Informacioni”, (7 kuota) – Fakulteti i Teknologjisë së Informacionit;
2. Doktoratë në “Inxhinieri Fizike”, (2 kuota) – Fakulteti i Inxhinierisë Matematike dhe Inxhinierisë Fizike;
3. Doktoratë në “Inxhinieri Matematike”, (16 kuota) – Fakulteti i Inxhinierisë Matematike dhe Inxhinierisë Fizike;
4. Doktoratë në “Inxhinieri Ndërtimi”, nënfusha “Inxhinieri Mjedisi”, (7 kuota) – Fakulteti i Inxhinierisë së Ndërtimit;
5. Doktoratë në “Gjeologjia dhe Mjedisi”, (3 kuota) – Fakulteti i Gjeologjisë dhe i Minierave;
6. Doktoratë në “Inxhinieri Nafte dhe Gazi”, (2 kuota) – Fakulteti i Gjeologjisë dhe i Minierave;
7. Doktoratë në “Inxhinieri e Burimeve Minerare”, (2 kuota) – Fakulteti i Gjeologjisë dhe i Minierave;
8. Doktoratë në “Inxhinieri Mekanike”, nënfusha “Inxhinieri Mekanike” dhe “Inxhinieri e Materialeve”, (14 kuota) – Fakulteti i Inxhinierisë Mekanike;
9. Doktoratë në “Qëndrueshmëria dhe inovacioni për projektin e mjedisit të ndërtuar dhe sistemit të produktit”, (7 kuota) – program i përbashkët ndërmjet Universita degli Studi di Firenze dhe Fakultetit të Arkitekturës dhe Urbanistikës.
Për informacion mbi kriteret e përgjithshme të pranimit të kandidatëve në studimet e ciklit të tretë “Doktoratë”, klikoni këtu.
Për informacion mbi dokumentacionin për aplikimin për regjistrim në studimet e ciklit të tretë “Doktoratë”, klikoni këtu.
Aplikimet e kandidatëve për studimet e ciklit të tretë “Doktoratë” në Universitetin Politeknik të Tiranës, do të kryhen nga data 19.11.2025 deri më datë 27.11.2025.
