Gjatë kësaj jave në Lübeck të Gjermanisë po zhvillohet punëtoria e dytë e përbashkët midis Fakultetit të Arkitekturës dhe Urbanistikës – Universiteti Politeknik i Tiranës dhe Technische Hochschule Lübeck. Në këtë aktivitet marrin pjesë 25 studentë nga Technische Hochschule Lübeck dhe 21 studentë të Fakultetit të Arkitekturës dhe Urbanistikës, me fokus studimin e segmentit të lumit Osum në qendrën historike të Beratit.
Grupet drejtohen nga profesorët Michael Locher, Kendra Busche, Rike Ruppenthal dhe Lulzim Beqiri nga TH Lübeck, si edhe nga Armand Vokshi, Andi Shameti, Jonila Prifti dhe Juljan Veleshnja nga FAU.
Projekti zhvillohet në kuadër të programit Erasmus+ dhe do të vazhdojë gjatë semestrit të parë me grupe të përbashkëta nga të dy institucionet.
