Autoriteti Kombëtar për Sigurinë Kibernetike ju fton të bëheni pjesë e Maratonës së Sigurisë Kibernetike 2025, e cila do të organizohet për herë të parë në bashkëpunim me institucionet arsimore në të gjithë vendin.
Kjo maratonë do të zhvillohet përmes platformës ndërkombëtare SimSpace, e cila ofron një mjedis trajnimi dhe simulimi të avancuar në fushën e sigurisë kibernetike. Studentët do të kenë mundësinë të zhvillojnë aftësi praktike në zbulimin e kërcënimeve, menaxhimin e incidenteve dhe testimin e qëndrueshmërisë së sistemeve, si dhe do të mund të përfitojnë nga vlerësime të detajuara të performancës dhe akses në mjete profesionale të nivelit të lartë.
Qëllimi i këtij aktiviteti është identifikimi dhe mbështetja e talenteve të rinj të cilët do të jenë profesionistët e ardhshëm në sigurinë kibernetike.
Maratona do të zhvillohet në katër faza tematike:
- Faza I: 1 Gusht-30 Shtator– Bazat e Sigurisë Kibernetike dhe Security Operations Center Analyst (SOC) (
përafërsisht 50 orë) - Faza II: 1-31 Tetor – Threat Intelligence (përafërsisht 30 orë) Offensive Security
- Faza III: 1-30 Nëntor– Defensive Security(përafërsisht 30 orë)
- Faza IV: 1-20 Dhjetor – Offensive Security (përafërsisht 20 orë)
Në përfundim të fazës së katërt, në muajin dhjetor do të zhvillohet një konkurs midis institucioneve arsimore, ku institucioni/universiteti dhe studentet me performancën më të mirë, do të promovohen përmes kanaleve institucionale të komunikimit të Autoritetit. Studentët që do të shfaqin rezultate të larta do të vlerësohen dhe inkurajohen të bëhen pjesë e strukturave të sektorëve të ndryshëm në vend, duke dhënë kontributin e tyre në forcimin e sigurisë kibernetike.
Studentët e Fakultetit të Teknologjisë së Informacionit, të interesuar për pjesëmarrje në Maratonën e Sigurisë Kibernetike 2025, të dërgojnë konfirmimin e tyre, brenda datës 24 korrik 2025.
Për çdo pyetje ose informacion shtesë jeni të lutur të kontaktoni ne adresen: ienesi@fti.edu.al.
