Universiteti Politeknik i Tiranës mori pjesë në Kampionatin Universitar të Volejbollit për Meshkuj që u zhvillua në datat 13-15.1.2026 në Pallatin e Sportit “Farie Hoti” dhe Pallatin e Sportit “Asllan Rusi”. Ky aktivitet sportiv i organizuar nga Federata Shqiptare e Sportit Universitar (FSHSU) synon promovimin e sportit, bashkëpunimit dhe frymës konkurruese mes studentëve.
Në këtë kampionat, studentët e UPT-së përfaqësuan universitetin me ekipin e tyre të volejbollit, duke demonstruar përkushtim, bashkëpunim dhe aftësi sportive, përkrah angazhimit të tyre akademik. Pjesëmarrja e UPT-së në këtë aktivitet është pjesë e mbështetjes së vazhdueshme që universiteti i jep zhvillimit sportiv, social dhe personal të studentëve, si dhe nxitjes së aktiviteteve jashtëkurrikulare që kontribuojnë në formimin e plotë universitar.
