Universiteti Politeknik i Tiranës, (upt.edu.al), është bashkuar me nismën “M’Illumino di Meno” e Universitetit Politeknik të Torinos, (polito.it), Itali.
Kjo ngjarje vjetore i kushtohet promovimit të ruajtjes së energjisë dhe ndërgjegjësimit mjedisor. Nisma “M’Illumino di Meno” këtë vit përfshin universitete nga e gjithë bota.
Në përkrahje të kësaj nisme, Universiteti Politeknik i Tiranës ka hartuar një program për marrjen e masave për fikjen e dritave në disa nga ndërtesat kryesore të tij më datë 16 shkurt 2024, për diskutime me studentët mbi mënyrat e ruajtjes së energjisë dhe ndërgjegjësimit mjedisor, si dhe për sensibilizimin e studentëve dhe stafit të Universitetit Politeknik të Tiranës nëpërmjet rrjeteve mediatike.
Ftohen studentët dhe stafi i Universitetit Politeknik të Tiranës të mbështesin dhe promovojnë nismën “M’Illumino di Meno”.