Në kuadër të Ditëve të Hapura në Universitetin Politeknik të Tiranës, më datë 23 prill 2025, UPT mirëpriti një grup maturantësh nga shkollat e mesme të Tiranës.
Stafi i këshillimit të karrierës në UPT, stafi akademik dhe studentët pritën me entuziazëm të rinjtë, duke u prezantuar programet e studimit, mundësitë e zhvillimit profesional, si dhe projektet inovative në të cilat janë të angazhuar studentët e UPT-së. Gjatë vizitës së tyre, maturantët u njohën nga afër me strukturat akademike dhe administrative të universitetit, ambientet e mësimdhënies dhe laboratorët shkencorë të fakulteteve të ndryshme.
Këto aktivitete synojnë të ndihmojnë maturantët në orientimin e tyre drejt një karriere të suksesshme në fushën e shkencave inxhinierike dhe teknologjisë.
Universiteti Politeknik i Tiranës – Zgjedhja e së ardhmes suaj!
